مستشفى البشير  من جديد يقوم بالتهاون في أرواح المرضى _ وفاة  الطفلة لين  

التفاصيل من رواية الأهل 

ضحية جديدة  الطفلة لين ، عمرها  ما صار ٥ سنوات ! صار معها وجع ببطنها ، اخدها ابوها ع مستشفى البشير ، فحصوها وقالو التهاب مسالك بوليه ، والقصه بسيطه وعادي! 

ثاني يوم الوجع زاد ، رجع ابوها اخدها عمستشفى البشير ، قالو لا يا عمي ، هاد التهاب امعاء ، مهي مبينه! اعبط هالدوا ويعطيك العافيه! وروحت البنت! 

الوجع ما راح والبنت بتتعذب ، ابوها اخدها ع عيادة دكتور خاص ، مع انو وضعو المادي تعبان ، بس قال مليش غير هيك ! 

الدكتور حكالو بنتك ملتهبه معها الزايده والوضع خطير وبدها عملية ! رجع الوالد  إلى  مستشفى البشير ، وقلهم الزايده ملتهبه اعملولها عمليه ! 

رد المستشفى من إنفجار الزايدة 

قالولو اه والله الزايده منفجره ( وحدو الله جد؟ بدري والله ) المهم دخلوها عالعمليات والزايده طلعت منفجره ، وما لحقوها بالعمليه وماتت البنت بكل سهوله والوضع عادي ، ماتت الطفله وهي رايحة جاي ومحتارين فيها اللي اسمهم اطباء بالبشير ، عليم الله لو شافتها جارتنا لتقول التهاب زايده ،، 

تهاون مستشفى البشير بروح الإنسان 

بس مستشفى البشير مش عارف ليش مش عاملين قيمة للأنسان ، يعني شو لازم تكون البنت مشان تهتمو فيها؟ شو المواصفات المطلوبه لمعالجة مريض عندكم؟